అదేమిటో !?

సంవత్సరాల తరబడి యేర్చి కూర్చినవన్నీ
ఒక్క క్షణంలో కూలిపోతాయి, కనుమరుగైపోతాయి!

లోపల తాళంవేసి దాచుకున్న అపురూపమైనవన్నీ
మళ్ళీ ఒకసారి తిరిగి చూసుకుందామనుకునేసరికి మాయమైపోతాయి!

మాట్లాడే మాటలకు ఎవరికి వారు
వేరే అర్ధాలను పేర్చుకుంటుంటారు!

అప్పటివరకూ వెంట నడిచిన నీడ
ఎంత వెతికినా దరిదాపుల్లో కనిపించదు!

వేళ్ళ సందుల్లో దాచుకున్న అక్షరాలు
తెల్లటి కాగితమ్మీద కూచోడానికి సుతారమూ ఇష్టపడవు!

పొద్దున్నే లేవగానే నా ముఖం నన్నేకోల్పోయి,
మరో కొత్త ముఖంగా,
అద్దం ముందు నన్ను నాకే పరిచయం చేస్తుంటుంది!

అదేమిటో, అదేమిటో...!!

---  //