నువ్వొక పచ్చని చెట్టువు

 //

నువ్వొక పచ్చని చెట్టువు..
మేమంతా కవిత్వపు పక్షులం..
కమ్మని కవితలు ఆలపించేందుకు
గానకోకిల ఇంటినే వేదిక చేశావు
నువ్వొక పచ్చని చెట్టువు..

రొట్టమాకు రేవులో జన్మించి
పుస్తకాలయం కట్టి పుట్టిన రుణం తీర్చుకున్నావు
రాజధానిలో కవిత్వపు సేద్యం చేస్తూ
కవిత్వాన్నే శ్వాసిస్తూ.. జీవిస్తూ.. సహచరిస్తూ..
నువ్వొక పచ్చని చెట్టువు..

కొత్తతరం కలంలో కవిత్వం నింపుతున్నావు
సిరా మరకలు తుడిపేస్తూ..
తరం తరం నిరంతరం
కవిత్వంలో సంగమించేలా
కవిసంగమానికి ఆద్యుడవైనావు
నువ్వొక పచ్చని చెట్టువు..

నువ్వన్నా.. అమ్మన్నా
మాకు కవిత్వం కలిపి గోరుముద్దలు తినిపిస్తుంటే..
మీ కవిత్వ ప్రేమలో మా రెక్కలు నిమురుతుంటే
ఎగరటం నేర్చుకున్నాం.. ఎగురుతున్నాం.. ఎదుగుతున్నాం.
కవిత్వం కావాలి కవిత్వం అంటూ
ఏ ప్రాంతంలో ఉన్నా పునాది మరవక బతుకుతున్నాం..
నువ్వొక పచ్చని చెట్టువు..

యాకూబ్ జీ ... మరోసారి పుట్టినరోజు శుభాకాంక్షలు..!

#శాంతిశ్రీ

సాక్షి లో ఇంటర్వ్యూ | 14.10.2013

కవిసంగమం  గురించి సాక్షిలో ..