హ్యాపీ హ్యాపీ బర్త్ డే

Yakoob by  Giridhar arasavalli

అమ్మ కంటుంది,ఊరు పెంచుతుంది

బహుషా ఆ అమ్మ ఊహించి ఉండదు
తానో కవిత్వస్వాప్నికున్ని కంటుందని

ఆ ఊరు అనుకుని ఉండదు
తానో నడిచే గ్రంధాలయాన్ని మోస్తుందని

ఓ మహర్షీ...
ఎన్ని కవితలకు పురుడు పోసావ్
ఇంకెంతమంది కవులకి ప్రాణం పోసావ్
అమ్మవై పోయావు కదయ్యా...

ఎక్కడి నుంచి తెచ్చుకున్నావయ్యా
ఈ తేజస్సు
అంతందంగా ఎలా కలిపేసుకున్నావయ్యా అందర్నీ నీలో
ప్రేమగా నువ్వు నిమిరితే మాకు నాన్న గుర్తొస్తాడయ్యా

నీ శరీరం
ఉట్టి మాంసపు ముద్దపై కప్పుకున్న చర్మం కాదు
నరనరాల్లో కవిత్వాన్ని, మనిషి తనాన్ని
నింపుకుని
అక్షరాలకు కవిత్వాన్ని చుట్టుకున్న దేహం నీది..

నీకు తెలుసా
మీరంటే ఎంత మందికి ప్రేమతో కూడిన ఆరాధనో...

రేపటి చరిత్రలో ఖచ్చితంగా రొట్టమాకురేవు
సువర్ణాక్షరాలతో లిఖించబడుతుంది

నిను మోసిన నీ ఊరు
ఇప్పుడు మోస్తున్న గుండెలపై
యాకూబ్ అనే పేరు పచ్చ బొట్టై పోతుంది...

ఇదంతా మాకు
నీ ఊరు నుదిటిన నువ్వు అద్దిన అక్షరతిలకం(అదే సారూ రొట్టమాకురేవు గ్రంధాలయం ) చెప్తుంది...

హ్యాపీ హ్యాపీ బర్త్ డే యాకూబ్ సర్ ( Kavi Yakoob) 💞💕💟💞...Siddhardha katta

మార్చి2,2016