మట్టిని నమ్మిన మనిషి

కవి యాకూబ్ 

అతనొక మామూలు మనిషే,
కాకుంటే తోటి మనుషుల పట్ల కాస్త ప్రేమను చూపిస్తాడు!
కొండకచో కొందరి వాత్సల్యాన్ని చూరగొని
జీవితాంతం బద్రంగా దాచుకుంటాడు...
తడుముకుంటూ ఆనందిస్తాడు...
వారి కోసం తన జీవితాన్ని కానుకిస్తాడు...

మట్టిని నమ్మిన మనిషి,
అందుకే మట్టిలో నుండే మాణిక్యాలను వెలికితీస్తాడు!
అవి వెలుగుతూ వుంటే,
వాటి వెలుగులో తన బొమ్మను చూస్తూ పసివాడిలా సంబరపడతాడు!

కొంచెం సామాజిక స్పృహను కల్గిన కవితలు రాస్తాడు...
సమాజంలో తనతో పాటు
ఓ నలుగురి బాగు కోసం తపన పడతాడు...
అప్పుడప్పుడు విమర్శలకు ఆహారమవుతాడు...
దాన్ని తానే ముందు వరుసలో వుండి లైక్ చేస్తూ వారిని ప్రోత్సహిస్తాడు... జీవితమంటే తీపి కాదు, చేదే ఎక్కువ అని నిరూపిస్తాడు!

రొట్టెమాకు రేవు రొట్టెలు తిన్న మనిషికి
మానవత్వం, మట్టితనం కాక ఇంకేం వుంటయ్?
చెట్టు విత్తవుతుంది, ఆ విత్తు మరో చెట్టవుతుంది!

--- నేడు పుట్టినరోజు జరుపుకుంటున్న Kavi Yakoob గారి గురించి 

రవీందర్!
2. 3. 2015