(ఈ కవిత ప్రసిద్దకవి - హెచ్చార్కె 3.4.1994 న మా చిన్నబ్బాయి మొదటి పుట్టినరోజు కానుకగా రాసినది. మా బాబు పేరు సాహిర్ .ఈ కవిత ఎక్కడ ప్రచురించబడలేదు.ఇన్నాళ్ళు జాగ్రత్తగా దాచి ఉంచాను.ఈ కవిత వయస్సు 18 ఏళ్ళు..!)
ఎలా సాధ్యం అలా
నిత్యం ప్రవహిస్తూ ఉండటం
నిత్యం వెన్నెల కాస్తూ ఉండటం
సాహిర్ వాళ్ళ నాన్నా!
నువ్వొక ప్రవహించే ఆనందానివి
ఆకాశమన్నాక మబ్బులుంటాయి కదా
ఆకాశాన్నీ వదలవు, వెన్నెలనీ వదలవు
నువ్వొక జీవనదివి,నీ తీరం వెంట నడుస్తుంటే
ఊరు ఎంత దూరమైనా నిర్భయం
దోసిలి ఉంటే చాలు,దాహభయం ఉండదు
ఉరేయ్ సాహిర్ !
నీ తప్పెటబండికి శుభాకాంక్షలు
నీ శైశవ సౌందర్యానికి వెయ్యేళ్ళు .
దేహం పెరగనీ, బుద్ధి పెరగనీ
మనసు జాగ్రత్తా
నవ్వేయ్, అఫ్సర్ మామకొకటి
రామదాసుకు, ప్రసేన్ కు
ఒక్కొక్కరికి ఒకటో రెండో నవ్వులు పారెయ్
మంచి కవిత్వంలాగా
మా బట్టలమీద ఉచ్చపోయ్
ఏమంటావ్ శివుడూ! ఏమంటారు చేరా!!
ఎందుకొచ్చిన క్లాసులూ గ్లాసులూ
ఎన్ని చందమామలను మిస్సవుతున్నామో
క్లాసుల్లో,గ్లాసుల్లో, ఏవేవో తిరకాసుల్లో --
సాహిరు పుట్టినరోజు పండుగలు
మరి మరి మరిమరి వస్తే చాలదూ!!!
#*#
మంచి కవిత అని వేరే చెప్పకర్లేదు. మానవసంబంధాలలోని శైశవత్వాన్ని పరవశంగా పాడుకునే మంచి కవి హెచ్చార్కే!అవునా, కాదా?!
ReplyDeleteexcellent expression of unalloyed love and ur great that u have kept it so carefully all these days......many happy returns sahir....love u all j
ReplyDelete