ఆట

పాప ఆడుకుంటున్న బొమ్మను 

ఎవరో లాక్కెళ్ళారు 

లాగి విరిచి చెల్లాచెదురుగా విసిరేశారు 

 1 

దేహం మొత్తాన్ని తాగాలి 

తాగగా మిగిలినది దుక్కం.

సుఖించిన క్షణాలు ,సేదతీరిన కణాలు ,

దాహం వైపుకే మళ్లే రోజులు-

       రోజులగుబుర్లలో గుసగుసలాడే పక్షులు...

ప్రేమించడం ఒక దృశ్యం; ఒక కరుణ 

తనువుల తరువులు పుష్పించే రుతువు.

 2 

చెల్లాచెదురుగా విసిరిన కలలబొమ్మల్ని 

కలిసి ఏరుకునే పిల్లల ఆట 

     దేహమూ,సుఖమూ,దుక్ఖమూ,ఓటమి మరియూ  ప్రేమలూ........!

                                                                     
(సరిహద్దు రేఖ, పేజి.149 ; ప్రచురణ 2002 )