కొంచెం కొంచెంగా తరిగిపోతున్న రోజులో
ఒక పక్కన ఒద్దికగా నడుస్తూ,
చిట్టచివరికి ఇలా కొంత మిగుల్చుకున్నాను
రాత్రుల్లో కలవరపెట్టే కలల్లోంచి
మిగిలిన నావి అనే కలల్ని జేబులో వేసుకుని
నిద్రలేచాను.
కొన్ని నాణేలు మటుకు గుండెల్ని హత్తుకుని
కలల పక్కనే కూచుని కబుర్లు చెప్పుకుంటూ
ఎంతోకొంత జీవితానికి భరోసాగా ఉన్నాయి నాతోపాటే.
రోజంతా వాటి గుసగుసలు నావెంట.
పొద్దుటి మంచును దాటివచ్చాను.
మనసును కప్పిన దిగులును మాత్రం వెంట తెచ్చాను
జీవితం నీడతో పాటు
సాగడం,ఆగడం అలవాటైతే అయ్యింది.
కనీసం ఈ నీడపక్కన
మిగలడానికి ప్రయత్నిస్తూ సాగాలి
............................................
No comments:
Post a Comment