ఒక్కొక్కరోజు-5

**********

అదేమిటో
సంవత్సరాల తరబడి యేర్చికూర్చినవన్నీ
ఒక్క క్చణంలో
కూలిపోతాయి,కనుమరుగయిపోతాయి.

లోపల తాళంవేసి దాచుకున్న
అపురూపమైనవన్నీ మళ్ళీ ఒకసారి
తిరిగి చూసుకుందామనుకునేసరికి
మాయమౌతాయి.

మాట్లాడే మాటలకు
యెవరికి వారు వేరే అర్ధాలను
పేర్చుకుంటుంటారు.
అప్పటివరకూ వెంట నడిచిన నీడ
ఎంత వెతికినా దరిదాపుల్లో కనిపించదు.
వేళ్ళసందుల్లో దాచుకున్న అక్శరాలు
తెల్లటి కాగితమ్మీద కూచోడానికి
సుతరామూ ఇష్టపడవు.

పొద్దున్నే లేవగానే
నా ముఖం నన్నేకోల్పోయి
మరో కొత్త ముఖంగా అద్దం ముందు
నన్ను నాకే పరిచయం చేస్తుంటుంది
= అదేమిటో...!!