అనాధ దేశం కళ్లు

కిటికీని ధరించిన మూడు జతల కళ్లు

రోజూ పొద్దుట్నించి రాత్రిదాకా తలుపు మీదనే అతుక్కుని ఉంటాయి

తలుపు మీదా,

 నా తలపు మీదానూ

తలుపు ధరించిన ఆ లేత కళ్లు ఆకలినే నింపుకున్నవని తెలుసు

అవి ఈ దేశపు మూడు రంగుల జెండాను దీనంగా తలపిస్తాయి

ఆ లేత చూపులు సోకిన కిటికీ

రంధ్రాలుగా, చిల్లులుగా

హృదయమై స్రవిస్తున్నది నా హృదయంలోకి..!

ఈ కిటికీ ఈ అనాధ దేశంలాంటిది.

ఎన్ని సానుభూతులు ప్రకటించినా

ఆ శోకం , దారిద్ర్యం ,

జీవన విషాదం మాత్రం ఎపట్లాగే!

 

నేనేమో ఆ కళ్లను కవిత్వం చేస్తాను

చిత్రకారుడు బొమ్మగా గీస్తాడు

అమ్మేమో..

తన పిల్లల్ని తలుచుకుని దీనంగా లోకాన్ని తిడుతుంది.

నాయకులే బోలు మాటల్లో తేల్చివేస్తారు

ఓట్లకు ముందూ వెనకా వాళ్లకేం చేయాలో బొత్తిగా తెలియదు..