ఒక్కొక్కరోజు

ఒక్కొక్కరోజూ
ఒక అనుభవం..

ఒక గాయమో, చిగిరిస్తున్నరాగమో
లేత పలకరింపులకు మోరలెత్తే ఆనందమో
కానైతే యేదో ఒక అనుభవం.

అప్పటివరకూ చిరునవ్వుగా సమీపించే కాలం
హటాత్తుగా ఉరుముతుంది,నిట్టనిలువుగా చీలుస్తుంది.
*
పొద్దున్నే పలకరించే
పెరటిమొక్క ముఖంలోకి తరచి చూస్తున్నాను.
ఏదో చెప్పేందుకు
నా చెవి దగ్గరికి జరుగుతోంది.
వినాలి.
విన్నాక మీతో చెపుతాను.
అప్పటివరకు సెలవు....!!