ఒకప్పటి మాట

 
తునికొర్రెలో ఎలుగ్గొడ్డు దాక్కున్నట్టు 
దేహంలో కోర్కె పడుకుంది

ఊరోళ్ళంతా కర్రలు పట్టుకుని
ఒర్రె వైపు పోతున్నారు ఎలుగ్గొడ్డును తరుముదామని
-మరి ఈ ఈ దేహం మాటేమిటి?

చుట్టూతా పన్నిన వలలే
వేసిన మాటులే
బెదరదు
కదలదు
తనను తానే పారదోలుతుంది , ఎదురు తిరుగుతుంది

తప్పించుకోవడం ఎప్పటికీ కుదరదు
పారిపోవడం
ఈ దేహంలోని కోర్కెకు అలవాటే
ఎదురు తిరగదు

ఎదురు తిరగడంకన్నా
ఇలా దేహం లోనే దాక్కోవడం
అలవాటైన మర్యాదలాంటి సులువు.

#30.8.2013