ఒకానొక శవయోగధారుడు

నాకీ శోకంతో ఏ పేచీలేదు

పేచీ అంతా ఈ లోకంతోనే

నా జేబులోని పైసాను ఖర్చు చేస్తున్న వాడెవడో

నేను చేయని అప్పును వసూలు చేసుకుపోతున్న

బహుళ జాతి అప్పులవాడెవడో

నా నాణేన్ని నానుంచి లాక్కెళ్ళిపోయాడు

చిలిగవ్వకు కొరగాకుండా

నన్ను నాణెం వంచించింది

ముళ్లు లేని గడియారంలా

నిముషాల్లేని రోజుల్లా

కొలమానంలోకి జొరబడని నన్నెపుడో హత్య చేసింది..

ఇప్పటిదాకా

మీతో మాట్లాడుతున్నది

నాలాంటి నా శవమే..

***