వర్షంలో ఇద్దరం

ఎవరిదో మాట

కళ్ళలోంచి గుండెలోకి తొంగిచూస్తుంది

స్వరాలు మారుతుంటాయి 

                    కాలం వెంబడిస్తున్నకొద్దీ 

ముఖాలు బహుశా తొడుగుల కింద 

నవ్వుల్ని ధరిస్తుంటాయి ,కాకపోతే దుక్కాన్ని 

ఒళ్లంతా నిక్కపొడుచుకొని 

నిలబడుతుంది ఆలోచనల మీద 

ద్వారం మీద ఒక పంజరం 

ఊగుతూనే వుంటుంది సదా-

వర్షంలో తడుస్తూ ఎవరో వచ్చారు 

నా లోపలికి  వర్షాన్ని మోసుకొని -

రాత్రంతా 

జల్లు పడుతూనే వుంది నామీద 

మాట తడుస్తూనే వుంది నాతోపాటు..!

*

ప్రవహించే జ్ఞాపకం