పాఠం

........................

తీగెలు తెగాలి ;
కలవనంత కలపనంత దూరం నిలబడి

నిశ్హబ్దాన్ని వాహికగా మలుచుకుని బతికేయాలి

చీకటి కమ్ముకోవాలి ;
వెలుగేమిటో కాంతి ఏమిటో కళ్ళముందు మెరిసేట్లు కదలాలి
అంతా అనుకున్నట్లు జరిగిపోవడం
బోలెడంత బోర్

అడ్డు ఏమిటో, ఆటంకాలేమిటో అర్ధమవ్వాలి

సంతోషాలే నిజమైన జీవితం కానేకాదు
అంచుకు నంజుకునే చింతతొక్కులా చింత పక్కనే ఉండాలి
వంతనల మధ్య రాటుదేలి
మిగిలిన జీవితంతో కలుపుగోలుగా కలిసిపోవాలి

అంతే మరి ?!


31.10.2010